La „Società Stelvio-Umbrail 14/18“ es gnüda fundada als 1. mai 2000 a Sta. Maria Val Müstair sco organisaziun portadra per l’erecziun d’üna rait da sendas da viandar militaristoricas.
La società viva dals collavuratuors activs e da fich pacs commembers e dal sustegn da fich blers donatuors e sponsuors.
Nus nu lain ragiundscher ün böt da rendita. Ils commembers lavuran gratuitamaing. Schi’d es pussibel, vegnan indemnisadas las spaisas.Cun blers cuosts e gronda premura vain nus
- sgürà e signalisà dürant la stà dal 2000 las trais sendas „Umbrail“, „Trais Linguas“ e „Scorluzzo“ e vain eir miss sü passa 40 tablas d’infuormaziun
- redigi da stà 2000 üna vasta documentaziun (Stelvio-Umbrail 1914-1918);
- edit da stà 2002 il guid da viandar (Der militärhistorische Wanderweg Stelvio-Umbrail);
- installà da stà 2006 insembel cul Parc naziunal dal Stelvio la quarta senda da viandar (Kleinboden);
- ed inaugurà da stà 2007 il „MUSEUM 14/18“ a Sta. Maria.
Davo desch ons plains da tensiun cun crear e fuormar ans spetta uossa la sfida da mantegner e tgnair in funcziun tuot quai chi’d es avantman.
I dà amo avuonda da far! Ans güdai, dvantai commembers activs o ans sustgnai cun üna cuntribuziun finanziala.Ün cordial grazia fich
„SOCIETÀ STELVIO-UMBRAIL 14/18“
II resident
David Accola
