STELVIO-UMBRAIL
Damaniv al Pass dal Stelvio (2757) – sül Piz da las trais Linguas – as rechattaiva fin al 1918 il cunfin cumünaivel da l’Italia, da la monarchia dubla Austria-Ungaria e da la Svizra.
Trais linguas – trais regiuns – trais culturas.
Nossas sendas da viandar tematicas s’inscuntran hoz qua e decleran il möd da pensar e da verer dals stadis da quella jada.
Quatter sendas tematicas invidan ad ir in tschercha da stizis – trais o quatter dis da viandar in üna natüra fantastica ed in contuorns chargiats d‘istorgia.
Pigliai la peida, giodai istorgia ed istorgias, fauna e flora.
Avant co partir, fat il bain da’s remarchar las infuormaziuns generalas.
