La lingia da defaisa austriaca avant cha la guerra prorumpa
La disposiziun da defaisa austriaca, dimena l’idea da cumbat (1912), prevezzaiva da far frunt ad ün’eventuala attacha taliana sur il Pass dal Stelvio cun üna serrada fortifichada. Quista lingia da bloccada manaiva, partind da la veglia fortezza da Gomagoi, in direcziun nord vers Kleinboden e vers süd sülla spuonda dal Zumpanell. Ils stizis chi’s chatta hoz sü Kleinboden sun perdüttas da quist intent da defaisa chi nun es però entrà in vigur dürant la guerra.
Damaniv a la „Furkelhütte“ chi’s po ragiundscher eir cun la s-chebellera davent da Trafoi, as chatta infuormaziuns sur da las posiziuns d’artigliaria da quel temp, nempe
- l’importanza da la fortezza da Gomagoi
- l’andamaint da la guerra süls pizs e las craistas da l’Ortler
- il viver e patir dals sudats da muntogna
Punct da partenza: Trafoi, cun la s-chabellera sülla „Furkelhütte“ o davent dal Stelvio sül traget „Trais LInguas“ pro’l „Goldsee“ ed inavant fin a la „Furkelhütte“ (ca. 3 uras)
Punct final: Trafoi
Temp da chaminar: 60 minuts davent da la „Furkelhütte“
Signalisaziun: cun tablas d’infuormaziun
Pretaisa: spassegiada ligera cun paca differenza d’otezza
