L’occupaziun dals cunfins svizzers 1914-1918
Giain in tschercha dals fastizis dals sudats chi han protet ils cunfins svizzers. Sülla senda vers il Piz Umbrail ed inavant sülla Punta di Rims tils inscuntraina adüna darcheu. E schi’s va inavant sül territori talian, as riva pro ün dals sectuors da posiziun da l’artigliaria taliana e darcheu inavo sül Pass Umbrail.
Illa prosma vicinanza dal Pass Umbrail (dürada da chaminar fin 45 minuts), vegnan trattats ils temas seguaints:
- Il dispositiv da defaisa dal cunfin svizzer dal Piz da las trais Linguas fin a la Punta di Rims
- Las ponderaziuns tacticas e tecnicas da cumbat al cumanzamaint dal 20avel tschientiner
- Ils stabilimaints d’allogi e da defaisa
- Il provedimaint logistic da la truppa sül „Umbrail d’immez“
Sül traget da la senda dal Piz Umbrail (3033 m s.m.) fin a la Punta di Rims ed inavo pro quist lö da partenza vain preschantada
- Üna survista dals evenimaints istorics a la front da l’Ortler
- Üna survista generala da l’occupaziun dal cunfin svizzer
- La problematica da las violaziuns dal cunfin
- L‘importanza da l’artigliaria per la guerra in muntogna dal 1915-1918
Punct da partenza e punct final: Pass-Umbrail
Temp da chaminar: 6 uras
Signalisaziun: alb-verd-cotschen
Pretaisa: buna cundiziun cun pass ferm e sgür
