L‘Austria/Ungaria cumbatta pel Stelvio
Fin l’on 1918 as rechattaiva la lingia da cunfin tanter l’Italia e la monarchia dubla Austria/Ungaria pac toc davent dal cuolm dal Stelvio. Per quist cunfin esa gnü cumbattü dal 1915-1918 veementamaing. Seguin üna jada als fastizis da quel temp burascus chi sun amo hoz visibels. Il traget da la senda „Trais Linguas“ ans dess render cuntschaint la situaziun our dal punct da vista da l’Austria-Ungaria.
Illa prosma vicinanza dal Piz da las trais Linguas gnaran trattats ils seguaints temas:
- il dispositiv da defaisa da l’Austria/Ungaria
- las truppas austriacas aint il sectur da cumbat dal Stelvio
- la guerra süls pizs e spis da la front da l’Ortler
- ils chantunamaints e’l provedimaint da la truppa
- las violaziuns dal cunfin e da la neutralità – la rolla da la Svizra
- l’importanza da l’artigliaria austriaca 14/18
Punct da partenza e punct final: Pass dal Stelvio - (pussibiltà da ragiundscher il cuolm sün territori svizzer davent dal Pass Umbrail)
Temp da chaminar: 2 ½ uras (davent dal Stelvio)
Pretaisa: spassegiada ligera
