Avant co’s metter in viadi in tschercha dals fastizis, esa da’s remarchar ils seguaints inguids:
La rait da las sendas da viandar as rechattan in ün’otezza da 2500-3100 m sur mar. Correspundentamaing sun nossas sendas marcadas e munidas cun tablas dal cumanzamaint da lügl fin la fin da settember.
Sülla pagina actual as vain a savair co chi’d es stadi actual da las vias d’access (pass da muntogna) e scha las sendas sun transiblas.
Avant co partir:
- Vus as rechattais quia in üna cuntrada ingio chi’d es important d’avair ün bun equipamaint. Las cundiziuns meteorologicas pon as müdar fich svelt (protecziun cunter vent, fraid e plövgia).
- Cun bunas s-charpas pudais chaminar bain e sgür sülla senda ed eir daspera.
- Scha vus as tgnais vi da la segnalisaziun da la senda, rivais darcheu inavo pro’l punct da partenza.
- S’allegrai da las bellezzas da la natüra – ramassai ils vanzets e’l rument e tils depuonai pro’l punct da partenza.
- Laschai las restanzas da müraglias e’ls segnals d’orientaziun ingio chi sun – oters visitaduors as savaran grà.
- Implants suotterrans pon ir facilmaing in muschna – in mincha cas fais vus la gita sün agen ris-ch.
- In tuots cas nu das-chais tocker ingünas restanzas da muniziun. I pudess esser ün projectil na explodi chi’d es privlus amo hoz. Marcai il lö da chat ed annunzchai pro’l prossem post da pulizia o da guardgia da cunfin.
